6/10/2008 星期一晚真係好開心,同左幾個小學同學去左TST飲野,(識我既朋友仔都知我幾咁飲得ga la @@") 真係好正,學識左一種新既方法玩@@"開左5個都係同一數字竟然係輸既...!!!! 原來間中去飲野係可以令自己咁開心的,嘈雜既交談,強勁既music,好耐冇見既同學, 如果有機會我都想再可以玩得咁開心,~~好期待26/10~唔知到時仲多o的人一齊去玩會點呢.... 學識左要令自己點到即止,玩完飲完去左食野,o的同學知我就黎出Placement,就講左句, PSMs : 吓,你都要做社會服務令既咩,乜唔係犯左法既人先要ga?? 比佢講左呢一句,我都o晒咀,大家都係到勁笑.... 食完野搭車返屋企,差唔多到既時候竟然feel到想嘔..... 落左車之後冇耐真係嘔左  ......之後去左"梗有一間係左近"買左之烏龍茶飲就返屋企沖涼訓喇.. 呢排都好開心,生活上可以多左自己既時間做自己想做既野,係九月第一個星期既大假真正放鬆好多 黎緊呢半年我都唔會點去玩ga la,大家唔使點約我喇,除左食野之外, 呢半年既科目有三科 社會工作實務 1.Practice with Individuals and Families in Social Work and Human Service Professions (個人與家庭工作) 2.Practice with Groups in Social Work and Human Service Professions (小組工作) 3.Practice with Communities in Social Work and Human Service Professions (社區工作) 呢三科對我黎講好緊要的,如果肥左佬就唔可以做社會服務令ga la@@ 所以我會好比心機的,平時都睇得小既參考書,今期都買多左幾本.. 學校既包容真係好好,好開心有一班有質素既老師令到我都可以成為社會既棟樑hahahaa..... 呢排都小左去攀石喇,太懶喇...希望可以keep住每個星期日晚都去啦,十二門徒唔知幾時可以聚埋呢. 成個月都係到追緊 Prison Break Season4 , 美劇既吸引力真係唔講得小!!(好過日韓台劇多多聲) 以前我係一個電影迷,好鍾意睇戲,雖然以家都鍾意,但係相比住時真係差得遠.... 每日都睇news 之外仲會一有時間就睇rthk既電視節目重溫..對個人,工作,學業等有好多啟發 想去釣魚呀,8月尾之後到以家都冇去過喇....會唔會有人同我一齊去呢?? 好多野都好想做,但係冇太多時間同決心,成日對住部腦都夠悶ga la..... 想有o的新既突破可以令自己冇咁悶充實得黎又讀到書既咁就very good 喇. | 
